कविता दिवस

 #कविता दिवस..

मुळाक्षरांनी गिरवित पाट्या,

नव-प्रतिभेची उंची ल्यावी;

मात्रांशी त्या सलगी होता,

शब्दमेघांची दाटी व्हावी;

या मेघांना फुंकर मिळता,

भावलहर ती बरसून जावी;

या धारांच्या शिडकाव्याने,

मने मनेही गंधित व्हावी;

त्या गंधाची धूंदी चढता,

ह्रृद्य कविता फुलून यावी; 

कवितेची मग सरिता होऊन,

मनामनांतून धावत जावी;

सुखेनैव हर तीत डुंबता,

दु:खे सगळी दूर सरावी...

©️ अर्चना खिस्ती - गोरकर...