"अनुभूती"
शोधत असते तुला
आजू बाजूला
रंगभूमीवरच्या आणि पडद्या वर च्या
प्रत्येक "सुंदर" पात्रांत !
असतोस नेहमीच
माझ्या आजूबाजूने
समोरुन मागे
आंतुन बाहेर
जगत असते दुहेरी
अंतरी काहूर
अन ओठांवर मौन
अनपेक्षित येणारी सापेक्ष
काहूरलेली वेळ
तू मात्र
क्षितिजावर अढळ
जो नुसता दिसतो
न गवसणारा
तुझ्या असण्याचे अन
नसण्याचे ही सत्य
उरी बाळगून आहे
जपलंय आजवर
शोधलंय आजूबाजूने
बाहेरून आंत
जणू गिळून टाकलंय मी
ते क्षितिज ! लालसेपोटी
जेे नक्कीच आहे
तरीही हाती न लागणारे!
शोधत आहे माझ्यात
आजूबाजूच्या प्रत्येक
"सुंदर" पात्रांत
मग ध्यानांत आलं
का आहे हा शोध !
जेव्हा की अंतरच
संपुष्टलय.... विरलोय
तू माझ्यात नी मी तुझ्यात
एकच तर आहोत !
भले ....
स्थल काल दिशा निष्प्रभ ठरल्या
शोध संपला
नुसती अनुुभूति "सुखाची"
एकमेकांसाठी असण्याची !
एकच आहोत याची !
कोणत्याही टिप्पण्‍या नाहीत:
टिप्पणी पोस्ट करा